今日打開面書，想睇睇有咩新奇事發生。按幾按見到隻安「好運熊」彈出來，當堂嚇一跳，然後就得啖笑。講真寧可佢百份一百照抄，好過不倫不類，抄啲唔抄啲。身體甩色已經夠奇怪，對腳唔合比例地幼，仲要身體起角先令人費解。熊本熊咁紅，照抄佢真係預咗畀人發現。所謂人類總要重覆同樣的錯誤，其實上年高雄市觀光局推出吉祥物「高雄熊」，已經被網民質疑好似失散多年兄弟一樣，今年這隻「好運熊」就更加係複製出來一樣，自然畀人笑到面紅。
其實強國歷史源遠流長，偏偏山寨技術麻麻，又點止一隻「好運熊」。不知你仲記唔記得，幾年前，四川成都「國色天香遊樂園」，出現過一隻山寨高達，通體金光，盡得高達精髓。被人投訴太多，後來就變身成為高達加渣古混合體，結果收到更多投訴。
隨文再附送強國山寨卡通人物cosplay服裝幾套，令你過一個開懷的星期二。
記者：李聰
