談到「城中筍盤」好自然會想到劉鑾雄兒子劉鳴煒。其實論家底及外貌，賭王何鴻燊三房24歲的猷啟一點都不輸蝕。猷啟一直被認為喜愛夜蒲，身邊女伴不絕先後有「長面鍾嘉欣」、「嫩版范冰冰」等女伴，不過他近日接受訪問時，居然自爆目前單身，又是城中少女入豪門的好時機。
拒絕娛圈姐仔
猷啟昨接受本報記者電話訪問時表示揀女友首重心地好及溫柔，可以接受女孩子因為打扮而遲到，亦不一定要大戶人家才門當戶對，即是尋常百姓家都有機會，他強調：「心地好，拍拖講感覺，自己唔心急，呢個moment想focus喺事業，要努力。」他更明言不喜歡跟娛圈中人交往拍拖，表明歌影視三圈中的姐仔可以死心。被讚城中筍盤package好，猷啟笑言：「唔係唔係，唔會為呢類標籤特別開心，仍須努力，尤其係事業方面，呢刻絕對不是筍盤，未夠班。」
猷啟表示屋企沒有催他追女仔，記者笑他奄尖，他就說：「你哋成日講，我就媾唔到女朋友。」一屋靚女，揀女友是否都要靚女？他說：「唔使，眼緣緊要，如果真係有女朋友，我係會公開，自己唔會設定幾時要拍拖、結婚，要自己事業有成，自己搵到錢，經濟support到自己同將來family，唔係靠屋企。」超蓮身邊多女友，有否介紹給他？他說：「佢有安排我同佢朋友一齊玩，但唔係話刻意介紹拍拖，佢啲朋友維持做朋友關係會好啲。」
採訪：唐如、李森