好多人都話香港零售事業踏入寒冬！但市況有幾差？早兩晚行過旺角信和門口，又八到單料返嚟！
話說早個禮拜行經該處，或者大家都仲見到有間「中上價名錶店」，夾在信和與投注站之間，不過這間名店突然一夜間大變身，化身為手機配件劈貨場！
其實手錶零售業，自去年7月開始就一直轉差，到最近呢個月，即使經營十多年專賣潮流手錶的老店，都大嘆生意差到得返50%左右！Sales同記者大吐苦水：「真係比當年沙士仲要差！不過大家又唔好賴落『佔中』度喎！須知當年『佔中』時期，生意都只係跌咗20%至30%，而且好多佔領人士，都有入嚟幫我哋買錶，幫補我哋生計！」
據說導致生意差的原因，可能同少了自由行到港有關，「其實早年的金行、錶行，真係開得有點泛濫，現在都是開始整頓的時候！」
據知這間剛結業的「中上價名錶店」，在結業前最後一個月，曾錄得「三日只開一單」的戰績！據小道消息，原舖位是自某金舖手上、從120餘萬月租調升到140餘萬月租而取得，不過經營了14個月就要結業了！「中上價錶行的結業潮還陸續有嚟！據行內人報料，信和斜對面還有一間名錶店在短期內關門大吉！原因是租約期滿，雖然業主已主動把租金由60餘萬調低至28萬，不過生意難做，最後都是打算離場了事！」
據知在旺角，這類租金調價事件，每日也在不斷的重複發生！幾時發展到有如先達一樣，旺位出現吉舖情況，還尚待觀察。
記者、攝影：朱崇德
