民主黨前日舉行特別會員大會，通過推薦新一屆立法會選舉由三個爭連任嘅舊人、帶住四新丁出戰，其中包括總幹事林卓廷。阿廷呢次黨內甄選遇競爭，最後過到關，接棒主席劉慧卿新東出戰。
獲送花冧笑
阿廷喺得到出線權後，喺facebook貼咗張同卿姐嘅合照（圖），相中卿姐手持一束花，笑得含蓄羞答，原來束花阿廷送㗎。阿廷話卿姐係佢老婆外唯一收過佢送花嘅人，主要多謝卿姐一直以嚟嘅支持，笑指卿姐雖然好嚴厲，「我都成日畀佢揪㗎」，但係卿姐勝在對人哋同自己，都係用同一把尺，阿廷話喺佢身上學咗好多嘢。
阿廷話卿姐已經主動獻身，話明之後嘅周六、日及假期可以陪佢走訪新東宣傳，派傳單開街站乜都得。