一如預期，雷神莫雷拉本周三(27日)跑馬地夜賽，將騎足8場，其中今季5戰非冠即位、第八場嘅「永旺年年」不幸排11檔衰位，話全無影響就假嘅。但呢匹馬既忠心又年輕，跑得亦唔多，今朝雷神親操試地，悉心備戰，睇嚟佢仲有好大進步空間，所以檔劣亦不能過份低估。
另一方面，如果大家因為「永旺年年」排11檔，就以為雷神冇運，咁就大錯特錯了。原來除咗「永旺年年」，雷神今期其餘7駒，全部抽1至5檔，而且多是上仗入前四名馬匹，騎師王彩池揀佢，基本上穩如泰山。
座騎中特別值得一提係第四場「好運有利」，雷神騎3次贏3次，人馬合作未逢敵手，周三班次路程不變，再爭跑慣跑熟嘅四班谷草1200米，抽埋個2檔，今次就算跑第二，相信雷神都未必滿意！