祖雲達斯喺周日意甲又贏一場，作客費倫天拿以2:1擊敗對手。祖記喺本土聯賽超班到乜嘢地步？咪就係喺對上25場波最多可以拎到嘅75分裏面，拎到73分咁囉。祖記作客費倫場波，喺最後10分鐘先係高潮，主隊前鋒卡連歷喺81分鐘建功扳平1:1，兩分鐘後，艾華路莫拉達入波助祖記再次領先，踢到完場前一分鐘，古達度禁區犯規輸12碼，呢個時候仲有人保住後方，門將保方撲出卡連歷主射嘅12碼，守住2:1勝局。