不止一次自稱是人渣的周永恒（Roy），試過偷食小三、影裸照及打老婆前科。他日前亮相ViuTV節目《晚吹－－總有一隻喺左近》時，被主持陳淑蘭狂質，周永恒更一度爆粗走人，事後他鬧爆ViuTV擺他上枱，令原本沉寂一時的他，再度浮上水面。
校門外叫囂
不過，一波未平一波又起，被喻為「世紀賤男」的他，昨日在訪問中竟然自爆年初時，在沒有通知分居太太趙頌茹（阿Yu）的情況下，私自到5歲大女信希就讀的幼稚園門外等接放學，當他見到信希時，即刻撲過去。由於事出突然，除令信希受驚，湊信希放學的保母姐姐，亦即刻抱信希返入學校。
當時有現場目擊者表示，周永恒見大女折返學校，就站在幼稚園正門足足半小時，其間不斷大聲叫囂，其他接放學的家長和老師均感事態嚴重，當知會完阿Yu後，學校方面就打算報警求助。最後阿Yu傳短訊給周永恒，告知學校要報警，才令周永恒知難而退。
記者昨日就此事聯絡阿Yu，她在電話中回覆說：「周生突然出現再加上佢嘅狀態，真係嚇親信希，所以之後信希都話唔想見佢，因為覺得好驚。」阿Yu表示事發之後的一、兩天，除了自己接兩個女放學，亦有找朋友幫手。問她會否考慮請保鑣，她說：「其實自己要返工，有時要搵人睇住，都有諗過請保鑣，不過怕自己經濟未必應付到。」
好街坊支持
雖然暫時未負擔到請保鑣，不過阿Yu就表示慶幸有一班街坊支持。「嗰件事之後，有幼稚園家長同我講，話接送放學時，會幫手睇住信希同細女愛希。今朝湊阿女返學，有好多街坊都同我講叫我撐住，話支持我，真係好多謝佢哋！」多得一班家長和街坊組成這個「護茹群組」，阿Yu表示自己即使返工亦放心好多！
採訪：王梓嫚
