日本AV界每個月都新人輩出，不過只係講緊AV女優，當地嘅AV男優似乎存在着青黃不接嘅隱憂，當早已入屋嘅加藤鷹、朱古力波都先後引退，估唔到連超過80歲嘅老伯級男優仲要勞碌開工，今日出版嘅雜誌《週刊Post》就炮製咗個叫做「死都要SEX」嘅專題，仲探討德田重男、山田裕二、齊藤修呢三位超老牌AV男優，暢談佢哋做到死為止嘅決心。
年屆81歲嘅AV男優德田重男，單睇外表只係個普通老伯伯，既滿頭白髮又有個小肚腩，其實佢喺AV界堪稱殿堂級男優，雖然30歲先至破處，但有兒有孫嘅佢入行十幾年，至今已拍攝過350部作品，自從已故AV男優安田義章以90高齡逝世後，德田重男就取代成為日本「長者AV之王」，德田對手有老有嫩，除會激戰老太婆外，都會同嫩口女優肉搏，一把年紀嘅德田勝在老練搭夠，連CNN及法新社等海外傳媒都曾報道德田嘅威水史。
至於69歲嘅山田裕二都唔惹少，佢56歲入行後至今仍勇於擔任前線工作，曾被孫女發現拍四仔成為國際趣聞，山田伯伯就話鍾意食秋葵同埋納豆，而為咗幕前演出時能應付自如，佢會keep住每五日射精一次嘅習慣，仲話化灰前都要繼續效力AV界，認真專業呢！