曼聯喺英足盃決賽嘅對手終於揭盅。周日上演另一場英足盃四強賽事，水晶宮以2:1踢走屈福特，繼1990年之後，再次打入決賽！當年決賽咁啱就係輸俾曼聯，現任領隊柏度喺嗰陣都有份落場踢，第一次碰頭踢成3:3，重賽水晶宮就飲恨輸0:1屈居亞軍。曼聯贏英足盃始終被高度睇好，足智彩冠軍賠率得1.34倍，水晶宮就有2.95倍。另外，盛傳贏唔贏到英足盃都要喺季後走人嘅曼聯領隊雲高爾，就賴今季陣中傷兵太多，如果唔係英超冠軍都有得佢贏喎。