臨近立法會選舉，要左搵右搵地區議題嚟攞票，是常識吧，不過有時抽水分分鐘抽着火水！
好似日前民建聯新界東立法會議員葛珮帆（EQ）博士，就跟進馬鞍山利安邨鐵閘同木門出現保安漏洞一事，仲高調接受傳媒訪問，但當區區議員麥潤培認真多得EQ唔少。麥同八方講，2013年已發現邨內鐵閘開始爛同生銹，已轉介咗近300個案要求房署跟進，而房署嘅更換工作一直進行，「佢（EQ）咁搞一搞，全香港都知利安邨鐵閘有問題，全港嘅賊都知道」。
麥潤培不滿對方過去未有跟進，臨近選舉年先出嚟，但又考慮不周，經EQ「大肆宣傳」後噚日收到街坊求助，話一早起身開門就發現鐵閘被撬開；雖然冇財物損失，但已嚇餐飽，佢已為此去信警方要求加強巡邏，並約見房署跟進。