德甲球隊禾夫斯堡喺周一宣佈，球隊已經同原定於2017年六月約滿、曾經效力過英超阿仙奴嘅「Lord賓」賓特拿提前解約，球會仲話呢位28歲丹麥射手，已經有一排冇隨隊操練㖭。禾堡嘅體育總監就話，球隊同賓特拿經過兩年磨合，最終先發現大家都係唔夾，所以先會決定提早解約喎。Lord賓喺2014年以自由身加盟禾堡，曾經代表球隊上陣47場並射入九球；佢喺上年仲試過因為體能唔夠「弗」，俾球隊勒令加操㖭。