飛走電線的粒粒形藍牙耳機呢期都幾紅，無他！新類形產品，又免了電線收藏的麻煩。最近moto hint 2nd Gen.感覺幾熱賣，雖然市場上同類型產品都算有得選擇，不過始終是大廠出品，嚐鮮之餘又多一點信心，人之常情；據知早前黃金好些舖頭都出現斷貨情況，不過最近新一批在平周剛落場，而且價錢亦由官價的$899，下調至更合理的$680，明顯是店舖大手入、令價格下調的情況出現。
據耳筒部資深Sales解釋，音效只可算是不過不失，不過聽歌、打電話尚算表現清晰，唔會有大投訴；至於外形算幾討好，包布面的機身，感覺比較斯文Look，所以好多文職客都幾Buy；不過最耍家還是耳機的設計！一般同類產品是用耳綿、耳膠一類迫實耳道位，不過moto hint 2nd Gen.則以原粒緊貼「耳朵凹位」來增強穩固性，所以怕耳綿、耳膠緊迫感覺用家，會用得比較開心。
另一關注點當然是使用時間，藍牙耳機的使用時間為3.3小時，不過跟機另有一個外置充電盒，可另加17小時使用時間，正常使用情況，兩日都應該幾夠使。
查詢：訊達科技（深水埗黃金電腦商場地庫63/67號舖）
記者、攝影：朱崇德
