禮拜三(27日)谷草賽事用C跑道，天文台預測仍可能會有狂風雷暴，或有機會繼續在變化地上作賽。睇番最近3月23日同一移欄賽事，亦係跑淋地，雖然有「勝利威」及「威威寶貝」後上贏馬，不過其餘頭馬全部守前三位入直路建功，當中「勁豐裕」、「滿貫豐采」及「多多勁驥」更加放頭帶到，可見C欄跑淋地，對前置馬較有利。
今戰列陣馬中，第七場「精壯神駿」上仗正是於3月23日谷草C欄排4檔前置贏馬，勝後等番同一移欄打王牌再跑，抽得二檔可望採取較主動跑法，有機會取得連捷。另外，第四場「君子協定」三次角逐谷草C欄未失前四名，快馬用蔣嘉琦減10磅更加好跑，搶出貼欄可望放到。