今季英超有睇頭，大黑馬李斯特城繼續領跑，大有機會獲得球隊首個英超冠軍，連門外漢都心思思想睇最後幾場。睇波唔少得啤酒助興，自問唔係酒徒，一場波飲得一兩杯，放得耐啤酒唔夠凍，加冰又怕稀釋唔多好飲。坊間拆解招數一籮籮，有人會事先冷凍啤酒杯，亦有人搵來冰桶浸住，計我話有個保冷杯就乜都搞掂！
芬蘭設計品牌Magisso有款Self-Cooling保冷杯，可以讓啤酒保持低溫。咁神奇？原來水杯用冷卻陶瓷材料製作，飲啤酒之前用冷水沖一分鐘，水杯吸收水份後會開始降溫，感覺就如從雪櫃拿出來，最重要的是它的回溫速度比一般陶瓷杯緩慢得多，令杯中啤酒保持冰涼，做到保冷杯的效果。就是這個功能，令保冷杯入選2015年德國紅點設計大獎（Red Dot Design Award）。
記者：劉東佩