有份出戰2012倫敦奧運嘅中國女籃成員紀妍妍，周日喺佢微博度發表咗疑似「出櫃」文，文中上載咗張有對戒指嘅相（下圖），暗示愛情來到，最後仲tag埋「V層次F」。
原來V層次F係一位自稱「潘多拉魔廚創始人」嘅泰國女性，佢都有喺自己微博度上載同一張相，意思都好明顯。最妙係國內《新浪網》原本都有報道呢單消息，點知到周一下晝再click入去，只係見到姚明同劉翔，咁係咪有特別意思想表達先？
