話說先達最近有人放Apple Watch！咁都係新聞？係！因為佢係價值第二貴、原價達$115,800的WATCH EDITION版本－－42毫米18K黃金錶殼配黑色經典扣式錶帶！
收錶哪一刻！聞說好多其他舖Sales都走咗去觀禮，事關咁貴重的WATCH EDITION，先達都好似係第一次收到！
二手買入價同賣出價，就連肥通同Sales們咁老友，都話要絕對保密，但只可以用「喜出望外」四字來形容，估計二手價都會幾筍！老實講，以現在香港經濟低迷情況，竟然有舖肯入手一隻如此貴重的WATCH EDITION，其實都真係幾搏吓，至於新淨度？大概都有八成新左右啦！
收錶後，隔鄰舖的塘邊鶴都歎咗句：「香港經濟真係差！我哋生意唔好就梗啦，估唔到老闆級都要嚟『舉』錶！唔知下次會唔會收到最貴$129,800 嘅WATCH EDITION呢？如果有，我都想買返隻玩吓！」
查詢：PHONEBOOK（旺角先達廣場1樓F17舖 ）
記者、攝影：朱崇德
