巴黎聖日耳門（PSG）喺上周六法國聯賽盃決賽，即使面對里爾踢少一人都冇有怕，憑「天使」迪馬利亞喺74分鐘射入奠勝球贏2:1，連續三年捧走法聯盃。迪馬利亞季初由曼聯「降臨」到PSG後，就好似得到重生一樣，單計聯賽已經交出10個入波同12次助攻，今次喺法聯盃再做功臣。PSG上半場領先一球，可惜換邊後被里爾逼和，仲有拉比奧特喺70分鐘兩黃一紅被逐，好在天使四分鐘後趁對手門將出迎射入空門，幫PSG成功衞冕。