【本報訊】Viu熱門韓劇《太陽的後裔》以及《回來吧大叔》於韓國晚上10時播出後四小時就配好字幕，最快凌晨兩點有得睇，其餘節目亦於八小時內完成後期製作放上網。電盈新媒體高級副總裁仇婉君（Helen）表示，好成績是一眾同事的努力，「一定會盡快令同事有人工加」。
員工通宵配字幕
要做到四至八小時上節目就必須通宵工作，Helen指，「多咗好多同事返通宵」，但辦公室位置不足，故令到公司「老細間房細咗，同事坐得迫咗」。記者於辦公室內見到一間細房內一張小圓桌上就放了四至五部電腦。她指除字幕外，韓劇還會加上「煲劇小百科」，故工作的同事除了翻譯了得外，更要了解韓國文化，「同埋鍾意做呢樣嘢」。
除了韓劇外，日本動漫方面亦得到不少網民讚揚，不論新舊都緊貼觀眾的需要，例如數碼暴龍大冒險tri.、潮與虎、男兒當入樽等等。但日本一季二十多套新番，到底如何選擇？Helen表示，「我都有問同事點揀，佢哋話邊套多人期待咪揀邊套」。一組人內既有資深的買手，同時亦有緊貼網上世界的年輕人。