工黨李卓人日前喺籌款晚會扮美國共和黨總統參選人Donald Trump特朗普，維妙維肖，原來阿人嘅黨友郭紹傑（圖），曾經幫過寸王Trump打工，仲每星期見佢至少一兩次㖭呀！
郭紹傑同八方分享，話自己廿幾歲、即係1991至1994年時，曾經喺美國幫過Trump旗下公司打工，做飲食部門部長，每星期總會有一、兩日見到老闆Trump，幫佢落單安排飲食。郭紹傑形容，當時已覺Trump思想極右，對工會打壓得好犀利，好彩當年美國大西洋城嘅工會好強，但凡罷工定必人人響應，無人返工。佢第一次參加罷工，都係當年喺當地爭取加薪幾個百分點，笑言當時學識咗唔少抗爭技巧。雖然現時仍有美國綠卡，但郭紹傑話97年回歸後一直留港，冇再返過美國，當然冇再見到寸王Trump啦。