我主場:衛蘭轉會靠食腦

我主場:衛蘭轉會靠食腦

出道12年,衛蘭(Janice)當年先聲奪人,用甜美歌聲誘惑樂迷耳朵,不少人認定她是天后接班人。時間匆匆而過,Janice前年年底約滿AMusic轉會到華納唱片,「天后」兩字雖未觸及,但歌藝肯定毋庸置疑,上月Janice派台歌《穿花蝴蝶》面世,歌詞「眉頭額角偷偷震動 長年被化妝遮蓋我倦容 誰人又看得出我也許將要被逼瘋」更旋即被對號入座,以為她要憑歌控訴?Janice卻不以為然,還主動提起舊老闆黎明:「Leon教我唔好俾雜聲影響自己!」
採訪:鄉奈仁

剛於本月13日度過34歲快樂生辰的衛蘭,自從約滿AMusic、離開照顧她多年的黎明(Leon)後,她先讓自己沉寂一段時間,去旅行休息,直至最近有新歌派台才再度活躍。一年多沒有正式面對傳媒,Janice一切依舊,訪問前猶如見工般緊張,身形和笑聲仍是昔日的她,Janice聞言即放聲笑說:「我有減㗎,不過之前整親腰骨,唔可以做太劇烈嘅運動,以前係會用食嘢嚟減壓,但𠵱家會多啲同人傾偈,食少啲嘢。」

衛蘭稱心情像回到初出道時,亦指從舊老闆黎明身上學了許多。
資料圖片

衛蘭(左)的身材一直是坊間話題,連開騷也守身如玉,由舞蹈員負責露肉。資料圖片

在新歌《穿花蝴蝶》中,衛蘭有破繭而出的場景。

黎明教路

提到不少人認為新歌《穿花蝴蝶》歌詞,是Janice對過去的控訴,將過去12年的心情都埋在歌詞裏,甚至有樂迷將矛頭直指發掘她的Leon,Janice聽罷笑笑說:「其實我喺Leon身上學到好多嘢,包括唔會俾外邊嘅雜聲影響自己。」是否要為Leon平反?Janice坦言:「我好感恩有Leon一直帶領住,不過我以前真係將所有嘢都交畀佢諗,好少為自己計劃吓,我相信佢都想我成長,所以𠵱家我會學吓自己去決定一啲事。」
Janice又謂:「我覺得𠵱家有啱啱出道時嘅感覺,過去嗰12年好似唔知去咗邊,可能以前我長期喺一個安全嘅地方,身邊有一班人將所有事都幫你安排好晒,我係乜嘢都唔使理,𠵱家個腦真係用多咗好多。」

改變曲風

轉會後Janice似刻意改變曲風,面對不同聲音,Janice認為是意料中事:「我覺得好多嘢都要試,改變就一定會有唔同聲音,以前自己好多嘢都唔會講,人哋可能唔知我想點,但今次有畀好多意見,講吓自己諗法。」Janice又強調自己並非要全權話事,會跟公司溝通:「如果試過唔成功,我都會聽公司嘅意見。」
場地提供:銅鑼灣迷你酒店

衛蘭指過去留在安全的地方,但現時很多事都靠自己,用腦多了。