雖然李斯特城今季大勇，但係呢隊暫列英超榜首隊對啲星二代就似乎冇乜吸引力。因為現年38歲、效力緊英冠保頓嘅英格蘭球星希斯基嘅細仔Reigan，並冇興趣為老竇嘅母會李城效力，反而跟隨哥哥Jaden嘅腳步，喺上周五加盟曼城！藍月亮亦對今次簽約隆重其事，特意安排戴爾夫、文加拉同基捷基治一齊到場㖭。希斯基老婆Chantelle亦喺ig話多謝呢三位一隊球員，令呢次簽約儀式變得更特別。