iPhone、iPad感覺更完美了！記者最近行腦場，發現了兩款以Lightning插頭的讀卡器！分別由ADTA及PhotoFast推出！
先講ADTA Lightning Card Reader – Two-Way Transfer（$390），最強大之處，是盒面標榜的雙向抄寫。我知！Apple官方都出過類似產品，不過作用如同貔貅一樣，完全「有入無出」，簡單講係你可以將SD卡內容抄入iPhone、iPad，但想掉返轉頭由手機抄出資料？唔得攞！但ADTA這款讀卡器卻能做到雙向抄寫，而且仲係可以同時對應SD及microSD兩張卡的插入。不過唯一缺點是外形太抄原廠「Lightning至SD卡相機讀卡器」，都唔明點解要拉條咁長的電線出來做甚麼。
喜歡精細一點的，有PhotoFast CR-8800（$380），佢係一個microSD讀卡器，但一樣使用了Lightning，論多用途性，一定不及ADTA的設計，不過設計就超細，只有33.1 X 19 X 9.1mm，僅重0.5g，同一般Android同類產品差不多尺寸，而且一樣起用雙向抄寫設計。
話時話，這類讀卡器其實相對較啱影相人士使用，不過當然，插SD卡的好處是容量可以不斷加大！需知現在一支Lightning/USB手指，32GB版要$450-$550，而64GB更可貴賣至$650-$750！
很抵用嗎？我們再以Android手機用的OTG USB 3.0手指作比對，現時32GB版本約價$65-$95，64GB版本為$110-$155；所以話用Apple周邊產品，成本一定會高上一點。
查詢：展昇（深水埗黃金商場地面42至44號舖）
記者、攝影：朱崇德