韓國神劇《太陽的後裔》男星宋仲基前日閃電式來港，出席Dior Homme的時裝活動，行程緊密，留港不足24小時。昨日中午時分，身穿啡黑色外套的宋仲基離開下榻的四季酒店，已有兩架粉絲車包車追蹤，當到達機場特別通道時，已有20多名保安及警察維持秩序，在場已有過百粉絲守候，他步行入通道時顯倦容，不過依然向粉絲微微揮手告別。
代言收千萬
宋仲基前晚在活動睇時裝騷成為焦點，入到場內更被圍，但成功集郵人士不多，成功者包括丁子高楊千嬅夫婦、甘國亮等，而何超瓊則最令人葡萄，獲品牌安排與宋仲基齊齊坐睇騷。而宋仲基就繼續吸金，有報道指有內地化妝品牌出高價，以兩年代言價2,700萬港元邀請他做代言人，而他亦落實下月10至12日會到內地錄影綜藝節目《快樂大本營》。
喬妹等出嫁
此外，《太陽》狂熱未減，日前KBS剪輯劇中的精采片段節目，重溫雙宋紅酒之吻拍攝過程、亦有宋仲基與陳久爆肌洗白白場面、喬妹醫療NG鏡頭等。喬妹早前出席《太陽》終映記者會時，大談透過拍此劇而多認識了朋友：「通過呢套劇而識咗好多朋友。能夠見到好人，好感謝《太陽》。既然有咗姻緣，希望今後都一直愉快地相處。」問到結婚問題時，她坦率地表示：「已經到咗有想法先會結嘅年齡啦。有時候感覺要快啲結婚，但有時候又覺得自己可以想做嘅事情好有意思，唔需要結婚，不過，婚係要結嘅。」
採訪：曹家誠
攝影：沈健程