今期大賽日有多位騎師來港客串出戰女皇盃，包括貝湯美、布文、連達文、莫雅、薛恩及武豊，當中不少更在其他場次獲得座騎上陣。較值得留意係天下第一高手莫雅，他今季三次來港客串上陣（不計獲發牌出任公司騎師的賽事），每次皆取得頭馬，故此今期莫雅座騎確有吼緊必要。
蘇保羅馬房與莫雅今季僅合作四次，已取得一冠一亞半數入Q，今期練者將「錶之勝」及「勝飛」一併交由莫雅執韁，話唔定可以成為鞍上人之數糊籌碼。
第九場三班1600米，「錶之勝」自從轉攻田草1600米後，三戰取得兩冠一季全上名，其中上仗初配莫雅即勝，可見人馬合拍，等大賽日復出，適逢莫雅來港客串，幕後當然會把握機會再求功。
至於第十場二班1600米，「勝飛」上仗以全場最快末段從包尾位置衝上跑第三，反映狀態已復蘇，且評分已降至有利水平，強配莫雅可望有更佳發揮，有力重開勝門。