英超利物浦嘅波衫贊助商New Balance，日前「唔覺意」喺官網度放咗疑似下季新主場球衣嘅相（圖），冇幾耐就將張相剷走。喺網絡世界，放得上網一分鐘就即係全世界都知，NB今次咁做唔知係咪另類宣傳手法呢？睇番呢件應該係下季紅軍主場波衫，設計同佢哋喺13/14球季爭少少贏到英超冠軍嗰件有七分似，喺領口同袖位換上金邊。𠵱家英超球隊通常喺球季最後一場主場比賽着下季新衫，相信球迷好快會見到真身。