【人情味濃】馬鞍山戲院因為一套《十年》人氣急升，但戲院一早已是街坊最愛，只因經營手法別樹一幟，包括因為鮑文範確信「街坊生意畀多7蚊手續費好唔抵」，堅持不設網上預售；又准觀眾帶外來食物入戲院，他說：「睇戲係娛樂，唔使咁多規矩。」有年輕人形容是有人情味的小店，有網友甚至自發為戲院開設非官方面書專頁，每日更新場次，方便街坊。
不捨老爺菲林機
對於戲院，鮑sir很念舊。記者跟隨他走進外人止步的放映室，4架早被淘汰了的老爺菲林機，與4架新型數碼放映機並列。「丟咗佢，放映室會鬆動好多，但又唔捨得。成日話捐去電影資料館同大學，不過近年可能太多戲院執笠，免費畀都冇人要」。他不無遺憾地說。時代在變，一卷卷菲林統統變了數碼盒子，「𠵱家傾緊用衞星傳輸，遲啲連一盒盒都冇埋」。
數十年間，港人的觀影口味變了不少，由80、90年代的娛樂大事，變成2000年老翻橫行，寧願買劣質「人頭版」VCD也不願購票入場，戲院數目亦由119間銳減至現時只剩48間。但鮑sir對未來仍然樂觀：「情侶拍拖都要行街睇戲，上年票房收入係過去十年最好，觀眾都已經返嚟。」
■記者呂麗嬋