劉丹、鄧英敏、吳麗珠和胡楓等逾百位《歡樂今宵》（EYT）藝人，昨晚到尖沙嘴出席聯歡晚宴。當談到兒子劉愷威和新抱楊冪傳婚變時，劉丹𤷪𤺧地說：「唔好問呢啲啦，啲人成日打畀我去問，都出咗律師信仲要問。」問到劉愷威有否因此不開心，劉丹說：「佢哋結婚幾個月之後就已經傳，佢哋𠵱家感情好好呀，出咗信後又say sorry（媒體），啲人真係太過份。」
而宴會司儀鄧英敏就透露今年已有5個舊同事先後過世，感到人生無常：「除咗盧大偉，仲有鄺佐輝、導演黎繼明同兩個幕後同事，真係好唔開心嘅，不過冇辦法，人生無常，人生就係咁，見一次少一次，所以大家要特別珍惜，多啲參加聚會。」
採訪：王連連
攝影：陳俊強
