就咁睇，呢度有一輯日本女明星嘅黑白影樓相片，但我話其實係素描畫，你又信唔信？日本有位神人畫家叫古谷振一，近幾年一直用一支鉛筆，刻畫出一個個日本知名女神，繼之前畫過北川景子、本田翼、桐谷美鈴同前AKB成員大島優子等等後，近期佢再upload咗一批新作，今次就有新垣結衣、石原里美同近來頻頻擔正主演日劇嘅有村架純。咁總會有網民睇完未必信呢堆全部都係素描畫，至少我睇咗幾次都覺得係相片⋯⋯所以佢本人會將作畫過程拍成短片放到YouTube分享，等大家有得親眼見證呢位神人有幾勁揪。
資料來源：twitter.com/shtt4881
記者：余瑋
