巴拿馬密件燒到香港，政商頭頭表面上滋油淡定，報館高層卻慌了，驚死有人尋仇、阿爺唔like。冰島總理是巴拿馬密件曝光後即時「錢債肉償」黯然落台的第一人。香港近住「姐夫」（在內地微博中已經搜尋不到的敏感名詞），首當其衝者，卻是明報執行總編安裕。
消息在凌晨發佈，夜麻麻開鑊炒魷，管理層當柴灣是大笪地，但忘了新華社教誨，不是說不要摸黑發佈重要訊息嗎？半夜公佈，新華社直斥這叫做「半夜雞叫」！
管理層等不及雞啼，凌晨就出動牛刀！為什麼落刀？姓鍾的「雞叫」：「因為他人工貴！」原來是雞貴嗎？天殺的啊！換了是他，「老闆叫我走，我就走！」這種對白，是非不分，道義不存，巴拿馬密件，樹大招風，隱身電影暗黑陰霾的報館管理層，想過躲在暗角，凌晨終於按捺不住，拿出萬用刀猛插同事的脖子！
看到未？電影裏月黑風高，真正身份是季正雄的潮哥，兇狠捅死個馬仔時呢喃的金句：「知道咁L多做乜！」記者和編輯，知道得愈多，報道得愈準，就得半夜被插！管理層，真係見到，衰過賊！