NBA勇士後衞史堤芬居里（Stephen Curry）有幾威，相信球迷都好了解，最近佢就增添多一個榮譽，就係獲得《時代》雜誌選為世界100大最具影響力人士之一。《時代》仲盛讚居里集超級天賦同謙虛優雅於一身，係一個真正典範。除咗居里之外，短跑好手保特亦係另一位入圍嘅運動員，雖然今年嘅里奧相信係保特最後一屆奧運，但係佢場內場外嘅影響力，繼續吸引好多人關注。