【本報訊】僱員再培訓局昨舉行屠宰員及豬肉切肉員基礎證書課程招生日，反應熱烈，其中豬肉切肉員課程最搶手，平均9.5人爭一個學額。有90後少女厭倦機械式的上班族生活，欲投身豬肉業當個劏豬聖手，不怕辛勞，更不擔心被負面標籤，「因為都係敬業樂業，又唔係偷唔係搶」，目標將來開舖賣豬肉創業。
記者：王家文
「想有一個實務嘅專業資格」，今年23歲的王小姐中五畢業後，做過零售業和文員，現從事建造業文職工作。她指，香港經濟開始不景氣，不同行業都縮減人手，希望能取得實務專業資格作長遠發展；加上薪酬吸引，獲聘3個月後月薪可增至近2萬元，較文員工作高近一倍，故前來報讀。她笑言，平時有做運動，相信一把兩斤豬肉刀難不倒她，「打war game（槍戰）啲槍都係咁重」。
逾250人冒黃雨報名
要在街市工作，王小姐稱不怕污糟和辛勞，更不介意被標籤做「豬肉妹」，「各行各業都有花名，都係一個花名啫，唔介意被標籤」；亦不擔心會影響社交，甚至結識男朋友，「因為都係敬業樂業，行業啫，又唔係偷唔係搶又唔係乜嘢，我覺得都okay」。
昨招生日在黃色暴雨警告下仍吸引逾250人出席，以中年人居多。30多歲的馮先生從事建造業水喉工程，但對經常要轉換地盤感厭倦，「唔想再跑嚟跑去，做呢行（豬肉業）固定啲」。而來港近7年的譚女士育有一子，現靠丈夫撐起一家，希望入行幫補家計，雖知工作辛苦，但都想嘗試，「辛苦得嚟穩定，你個心定啲，尤其𠵱家屋企需要開支，我需要係一份長久工作，真係希望取錄我」。
屠宰員及豬肉切肉員課程暫各開一班，每班名額20個，前者平均1.5人爭一席；後者則9.5人爭一學額，下月底開班。獲取錄者完成課程，有機會獲聘為初級助理屠宰員或豬肉切肉員，前者月薪為1.29萬元，後者1.3萬元，入職3個月後可增至1.8萬至2.1萬元。
香港豬肉行總商會理事長許偉堅表示，希望新課程能為業界增添敬業樂業的生力軍，「唔係搵過客，貪得意嚟玩吓」。課程暫時以小班教學，日後會視乎需要加開課程，即使應徵者今次落選，若再開班時會獲優先面試。
【報名者心聲】
李先生
「我對食都幾有興趣，希望學多樣嘢，了解多啲肉類分割知識。」
阿華
「做開酒店散工唔穩定咪試吓轉行，唔怕辛苦，做邊行都要適應。」
