噚日係世界地球日，呢幾日全世界不同地方，都舉行各種各樣有關保育地球資源嘅活動，而香港海洋公園亦搞咗個Hong Kong Fishackathon 2016活動，探討可持續性捕魚，鼓勵食用可持續海鮮，而美國駐港總領事館都好支持呢項活動，除咗喺fb出文支持外，駐港總領事夏千福仲出席噚晚活動，提倡可持續性捕魚對保護地球資源有幾重要，美國國務卿克里亦有拍片支持，而特區政府就由環境局副局長陸恭蕙做代表出席。