上期賽事，韋達全晚只得一匹座騎，真係破晒自己歷年在港的紀錄！不過其表現亦不算失禮，唯一座騎「越跑越好」亦跑亞軍，如跑多幾步，隨時贏埋！今期賽事，韋達都算勁喇！全日有四匹座騎，數目係上次四倍，說不定場場都會有表現。四匹馬中，韋達似乎最緊張列陣尾場的「勁趣」。皆因這匹時廐馬是騎者今日的首匹出試馬，可見這位十三屆冠軍騎師心中有馬，另一方面此駒入隧道前，霍利時亦望到實，反映這位南非倉主重視「勁趣」。查賽績，出爭二班千六米的「勁趣」，雖然同程欠據，但與韋達尚算合拍，四度合作，獲兩亞一殿，今次這對人馬又再攜手出擊，且看能否擦出火花吧。