【本報訊】女藝人張栢芝的經理人Emily前日收到恐嚇電話，對方聲稱張栢芝欠下他們3,000多萬款項，又發送追債街招的圖片給Emily，並說：「電視台及報刊見。」追債街招上印有張栢芝於電影《河東獅吼2》的劇照，女子的眼被塗上白油，左右兩旁寫上：「過橋抽板 忘恩負義」，內容為「偽人張X芝」簽完合約，收取3,200多萬合約報酬後，不履行合約。
經理人：會追討損失
張栢芝經理人Emily昨日接受《蘋果》訪問時稱：「對方講純正廣東話嘅，我同佢講如果覺得有，可以去報警，佢就係咁講粗口狂鬧，我哋重申如果任何人手上掌握足夠證據，可依循法律途徑追討，唔需要用電話恐嚇、甚至黑社會嘅手段，去抹黑其他人，現時張栢芝已透過律師到警署備案，以保障佢嘅人身安全，律師亦會要求警方，盡快搵出事件嘅幕後黑手，我哋會同對方追討今次抹黑事件為張栢芝所帶來嘅所有損失。」
現正身在德國趕拍電影《失控：幽靈飛車》的張栢芝，早於3年前，其生父鬍鬚勇（張仁勇）曾被人貼街招追數，指他拖欠200萬元失蹤。由於江湖傳聞有3個鬍鬚勇，債主更特別列明針對張栢芝父親，令張栢芝捲入事件。
■記者勞燕萍
