【本報訊】特色木雕、手寫餐牌，還有濃濃人情味，與屯門老牌「茶記」愛群餐廳一同成為歷史。經營34年的愛群昨日最後一天營業，吸引大批市民幫襯，一日售出逾1,500個蛋撻。老闆楊生指近日生意勁升四成，連澳門客人亦遠道而來，感激街坊支持，但因年事已高仍決定結業，有熟客慨嘆租金高企令舊式茶餐廳買少見少，有員工冀開餅店延續老闆心血。
愛群餐廳是安定邨的老店之一，30年如一日的裝修、20多件木雕裝飾、手寫餐牌和自設西餅工場都是店內特色。六旬老闆楊建平早前宣佈結業後，吸引大批市民到訪，昨日午市顧客更需等位入座，又不停拍照留念，楊老闆更如明星般被顧客要求合照。
楊老闆指近日生意額大增四成，「好開心，好多熟客返嚟搵我，有啲由細睇到佢大」，亦有生客慕名到訪，「有啲話響長洲、大嶼山過嚟，連澳門嘅客人都有！」近日午市和晚市都要等位，多年來未出現過，但不會改變結業的決定，強調與加租無關，「年紀大要休息，希望可以周圍去」。他指不少員工都感不捨。招牌菜牛腩和豬手昨日下午4時已售罄，蛋撻已賣出約1,500個，較平日多一倍，下午4時多更徇眾要求多焗一盤應市，瞬即售罄，昨晚7時已提早截單。
西餅師傅擬開店傳承
陳先生告假來幫襯，他小時候已跟父母來吃飯，「以前唔覺得特別，大咗先覺得舊嘅好，𠵱家啲餐廳一模一樣，唔似呢度咁有人情味」。有首次幫襯的客人大讚食物有水準。熟客溫小姐亦是食愛群長大，走進餐廳就憶起小時候與爸爸「拍拖」吃飯的時光，「冇咗呢度好似冇咗呢段回憶咁」。她認為領展作風進取，擔心越來越多小店因加租被迫結業。
西餅工場「揸fit人」、53歲陳師傅在餐廳工作24年，「好唔捨得，但都要堅強面對」。他最難忘是老闆信任夥計，「肯放手畀員工，我當自己生意咁做」。更感激老闆無條件送贈所有爐具予員工，他不排除稍後開餅店繼承老闆心血。
愛群舖位屬領展旗下，據了解，愛群租約月底到期，領展已將舖位租予食肆，但未知是否大型連鎖店。
■記者鍾雅宜
