【本報訊】聆訊進入第二天，多次稱盤問梁振英「好過癮」的被告黃毓民，昨甫開庭便投訴控方以擠牙膏方式披露文件，致他未有充足時間準備，要求押後；盤問期間又指被梁「激親」，要求稍作休庭；午休時又稱見頭暈欲押後案件；裁判官一度提醒他問題與案情無關，又至少3次「剪布」，制止他重複發問。
稱梁「情緒有啲失控」
黃詢問梁案發後返回禮賓府是否曾接待賓客、接待了甚麼賓客，梁拒絕回答，裁判官亦不禁問「有乜關係呢？件事（掟杯）之前已經發生咗」。黃遂強調擔心梁錄取口供前曾接觸「馬仔張志剛、邵善波等傾吓案情」，但裁判官只容許他問曾否跟別人商討案情。
黃不斷質疑梁竟不知為他錄口供的警員姓甚名誰，「嚟到錄口供又唔表露身份，合理咩？」又質疑見證人沒在口供紙簽名，裁判官反提醒黃「人哋答咗你」，制止他重複問題。黃指梁沒即時簽署口供，稍後才補簽列印版本，是因整份口供均由警員調查後撰寫，他當時僅提供籠統過程。梁帶不滿指「唔想再重複回答重複嘅問題」，又解釋「唔想用唔同嘅文字表述，然後被告又話我有矛盾」。黃質疑梁「情緒有啲失控」，又指「俾佢激親」須稍作休息。黃午休時透露身體不適「見頭暈又唔夠瞓」，申請押後案件讓他見醫生，但裁判官着他看完醫生後下午回來，拒絕押後。
■記者楊思雅