女星要呃Like，好簡單，貼床照(化晒妝嗌失眠)就得。或者晒胸器、長腿，總之係丁圖就OK。
咁人夫呢？晒人妻。
唔係人哋個妻，係自己老婆。
一切由謝安琪暫別樂壇講起。既然人妻Kay講明，話最少一年內唔會再出騷唔會商演，最多只係喺朋友生日會唱下Happy Birthday。網民攻擊人妻Kay個樣假，Kay唔方便回應，就靠人夫聰。一句「我太太是真‧漂亮！」贏晒。前晚，人夫聰晒幸福，貼咗張同老婆阿Kay喺電視城canteen嘅相，仲寫住：「藍夢南小姐來探班....#疆」。不過呢，阿Kay有份演嗰套係《殭》，唔係「疆」囉。咁樣tag係tag唔中的。至於兩人有幾sweet，睇圖就明。