【本報訊】跟女友鬧翻當晚梁世宏在facebook預告自殺，「12：00後，我會離開𠵱個世界」。那是5年前的事，幸社工及時相伴救回一命。他的經歷被拍成單元劇，由金像獎最佳編劇翁子光操刀。阿宏希望藉劇集讓年輕人明白人生不是灰暗，人尋死前，其實最想聽到一句「我會陪住你」。
過來人：陪喺佢隔籬就得
2011年3月10日晚9時19分，阿宏在fb上演自殺倒數，「就當我失敗啦！對唔住各位」。當年他18歲，跟女友鬧分手。感情是導火線，積壓多年的壓力才叫他唞不過氣，「嗰一刻係好想死」。
自幼父母把阿宏交由姨媽照顧，「讀書唔好就俾人打，做人好似提心吊膽咁，背唔到書又冇飯食」。童年不快樂，他在戀愛中尋溫暖，一遇分手便萌生自殺念頭。
見到阿宏留言，有人苦勸也有人語帶輕佻，「嘩使唔使咁」。學校老師知道後經外展社工聯絡阿宏，終勸服他打消尋死。今天回望，阿宏說那時最需要有人相伴，「好多人唔開心時，身邊人好着緊，實會鬧，我覺得唔需要鬧，你陪喺佢隔籬，靜音就得」。
協助阿宏的香港聖公會馬鞍山（北）青少年綜合服務中心社工趙健雯說，對預告自殺不能掉以輕心，「可能嗰下真係試探，試到原來真係冇人關心佢，就更加肯定佢覺得冇價值」。聖公會福利協會與香港電台合作，把阿宏經歷改編成《同行者》系列其中一單元劇《夜》，由電影《踏血尋梅》導演翁子光執導。他指去年9月至今多名學生自殺，盼透過這劇發放正能量。走出陰霾，跟父母重修關係，阿宏現從事舞台技術工作，目標開電腦舖，「𠵱家世界闊好多」。
一共6集的《同行者》於4月24日起逢周日晚7時於翡翠台播放。
■記者王家文
