樂隊Mr.主音布志綸（Alan）前年做了十億駙馬，迎娶富家女陳雪瑩做老婆，昨日Alan在社交網貼B仔相公告做爸爸，初為人父的Alan昨在電話透露，囝囝於本周二出世，重7磅半，英文名叫Adam，他說：「太太係順產，痛咗18個鐘，感受到母愛偉大，自己忍唔住喊，感覺太強烈，覺得人生去咗另一個階段。」
Alan表示有親手剪臍帶：「嗰吓心驚動魄好緊張，好似剪豬大腸咁，BB出到嚟冇乜點喊，我好擔心，好彩醫生話冇事。」他還特別感激太太：「外界覺佢背景有錢，其實佢一直係靠自己嘅人，每朝五點半起身返工，陀住BB都係照返。」Mr.跟環球即將約滿，之前已宣告不續約，樂隊散band在即，Alan說：「自己好多感想，公司又就完約，好多嘢要重組，真係新開始。」
採訪：皓騫
