【電視執位】富商趙世曾二子趙式浩（Howard）前晚在ViuTV播出的節目《晚吹之一大一路》現身，是繼上集大劉劉鑾雄兒子劉鳴煒後另一位富二代嘉賓。主理地產業務的Howard接受一班小主持「質問」。
自覺不算住豪宅
節目中Howard被問到知否「離地」的意思時，他說：「明，就係同個市場大眾諗法唔一樣。」提到每日他返工可賺到多少錢時，他避重就輕沒有正面回答。他透露以前讀書時，做過不同的暑期工，回港後替父親打理地產生意，到目前已有自己的事業。不過好戲在後頭，小主持問到他是否住在豪宅時，Howard笑言不算，因為沒有四、五千呎大，他說：「我唔覺得係，𠵱家住緊一、二千呎樓。」最有趣的是他將小朋友問的「呃like」誤以為是「art like」。
節目播出後網民對Howard的評價正面，讚他比劉鳴煒平易近人。Howard昨日接受電話訪問時對正面評價感到開心：「覺得幾好玩，同細路仔交流吓。」他解釋原來話題是講興建樓宇，忽然班小朋友問起「呃like」，才會來不及反應。對於有人質疑他住在一、二千呎的地方，居然不認是豪宅，他說：「豪宅定義係豪華、金碧輝煌，我爹哋屋企絕對係豪宅，香港人將個價值同豪宅兩樣擺埋一齊，其實唔公平。你去到外國，一間豪宅你入到去會『嘩』、『好大』、『好靚』，貴唔一定係豪宅，唔通山頂一間屋300呎爛溶溶但好貴嘅屋，你又叫佢做豪宅？可能一間屋偏遠少少嘅，但裝修得好好，但價錢平過山頂嗰間，你話係唔係豪宅？我覺得係。」
採訪：唐如
攝影：葉君海