修頓今晚有甲一籃球福建對南青嘅黑馬對決，8點40分開波。福建上個月喺銀牌試過俾南青大炒27分，但磨合後表現唔錯，首場聯賽仲大勝遊協36分，教練安慶健話：「今場主要做好防守分工，要更主動做協防、減少失誤同加強籃板。」佢又話會用歐陽維江同周家駒輪流防守蔡再懃，阿懃就話：「呢場關係到爭前四，會當最後一場咁打。」至於啱啱贏咗銀牌嘅南華，頭場七點就會對晉龍，門票50蚊，另設長者及學生票30蚊。