今個月喺美國大師賽表現失準、只係以第10名完成賽事嘅麥艾萊，日前就決定同未婚妻艾麗嘉飛去加勒比海散心。不過，呢位世界排名第三嘅北愛爾蘭高球手，可能平時練波嗰陣都要着起T-shirt同長褲，搞到佢曬出一個勁嚴重嘅T-shirt印；當佢同擁有一身古銅膚色嘅艾麗嘉企埋一齊，即刻顯得成身都白雪雪！唔知麥艾萊度完假，到六月舉行嘅美國高球公開賽係咪會表現得好啲呢？