在足球場上，烏拉圭籍的前鋒蘇亞雷斯，除了出名好波之外，有樣嘢都好出名，就是咬人，當中車仔的後衛伊雲洛域，與及來自意大利的基亞連尼都曾中招。至於在馬場上，你又有冇見過咬馬呢？我見過！我真係見過！仲唔止一次㖭！講緊嘅就係，在周日跑第五場2400米三級賽皇太后紀念盃的「期惑」。
其實這匹東廐馬，今季曾兩次咬馬，無獨有偶，受害者都是大摩馬房的「凱旋生輝」。但更不幸的是，後駒今次又再與「期惑」同場了，究竟牠會否第三次咬向「凱旋生輝」是難以預計，但如果這匹東廐馬又再阿蘇上身的話，便隨時提早講再見。因為上次馬會已講明，如果牠再咬馬，便建議強制該駒退役，所以「期惑」千萬別再故態復萌。