周二英冠聯賽，查爾頓作客保頓0:0和局收場，再失分之後，以43戰得37分暫時排尾二，同排尾四、第21位嘅布里斯托城相差11分，而餘下賽程只係得番三場，確定成為今季第二支降班嘅球隊，陪保頓下季一齊踢英甲。查爾頓喺十幾年前曾經喺英超打滾過七季，最威拎過第七名。前中國國腳鄭智（圖）都曾經加盟過佢哋，不過就做咗黑腳，效力半季之後就喺07年降班跌落英冠，到09年仲要再降多級去英甲，浮浮沉沉幾年，到下季又要返去第三級別聯賽再嚟過喇。