鄒市明周二趁住同老婆冉瑩穎相識10周年紀念日，喺微博大晒兩公婆為雜誌《ELLE》影嘅半裸照，呢位中國拳王仲好感性咁表白：「贏了世界又怎樣？我只要我愛的人和我在一起。」冉瑩穎聽到梗係冧到暈啦，佢都講笑話「419」有時係指一夜情，佢哋喺呢個日子相識，但就好認真咁相守咗10年。34歲嘅鄒市明除咗有靚老婆，仲有兩個得意囝囝㖭。