郭富城憑電影《踏血尋梅》勇奪今屆香港電影金像獎影帝，《踏》片更橫掃男女主角及配角等7項大獎成為大贏家，昨晚一班演員城城、白只、金燕玲及導演翁子光在灣仔會展出席祝捷會，現場更晒冷展示包括小金人等多個電影獎項助興。
白只為嘉玲減人工
在台上城城跟眾人祝酒後接受訪問，他表示今次是獲獎後台前幕後首趟聚首一堂慶祝：「其實之前都慶祝過好多次，𠵱家套戲載譽上映，已經有成800萬票房，今次係我從影以嚟第一次有落咗畫嘅戲再上。」城城又希望再與翁子光合作，他說：「不過𠵱家好多人搵佢拍戲，我唔怕等，唔怕老，就算等10年都等。」城城表示《踏》片仍未出碟，所以未看的戲迷都可以到戲院欣賞重映的導演版。
城城表示目前正忙於準備8月舉行的演唱會，他說這次可以順利開騷要多謝周潤發：「之前拍戲隻腳受傷，本來冇咁快好番，好在發哥介紹咗個物理治療師畀我，佢喺美國讀運動科，用咗無痛方法幫我快速康復。」他更即場示範舞步證實已復原並說：「其實好番九成半，係一啲極限運動仲未可以做。」稍後城城會再次在電影《肇事者》中飾演警察。
另外，連奪金像獎最佳男配角及新演員獎的白只，對於早前獲劉嘉玲讚賞感到非常高興，他盛讚嘉玲是名非常厲害的演員：「如果有機會同劇后嘉玲姐合作，減人工都肯，其實我人工已經好平。」白只除了與張繼聰合作拍攝電影，之後又會重回舞台，跟同樣是雙料金像獎得獎者的王菀之合作。
採訪：張俊銘
攝影：葉君海
