前政務司司長兼香港2020召集人陳方安生早前訪美，喺美國麻省塔夫茲大學嘅中美關係年會發表主題演講。佢噚日同八方分享此行一件趣事，就係訪美期間有人問佢鍾唔鍾意「陳四萬」呢個朵？陳太聽到笑不停，估唔到個朵揚名國際，難免開心到喺眾人面前展示招牌四萬笑容陳太明言like爆呢個朵，但佢冇透露英文係乜，唔知係咪Chan with the forty thousand dollars smile?
陳太前日喺金鐘站亦有奇遇，有位男子主動搭訕，聲言來自湖南，在港居住十幾年，多謝陳太為港發聲，叫佢絕對唔好信共產黨喎，揚言香港若淪為中國內地一個城市，就玩完㗎嘞！