成日傳超蓮BB多人追，就連家姐超雲都笑佢花多眼亂，包括霍啟山同大陸富二代劉根森，加上早排超蓮又被拍到同舊愛吳克羣現身台灣……咦……
係朋友定情人，超蓮BB分得好清楚。柯震東係朋友，呢一點就好清楚。
台灣《蘋果》獨家報道指，柯震東同李毓芬因為聚少離多，男方亦難戒夜蒲習慣，令李毓芬醋意頓生，雙方誤會重重，大吵小吵沒完沒了，最終分手收場——分咗個幾月。
就喺呢段時間，心情低落嘅柯震東搵房祖名開解，仲因為咁而認識超蓮BB。超蓮BB捱義氣陪柯震東飲番兩杯開解，點知就因為咁，令李毓芬誤會晒。
超蓮接受《蘋果》訪問時強調，同柯震東係從‧來‧都‧冇‧單‧獨‧約‧會。只係普通朋友Only。
超蓮表示:「我同佢(柯震東)唔係識咗好耐，識咗半年，喺台灣識，一大班朋友出嚟玩識咗。冇單獨約會過，全部一大班朋友。」
對於消息指李毓芬呷乾醋，超蓮話:「人哋嘅嘢我唔知，亦唔回應。我依家係單身啦，係認真做嘢階段，好好拼搏，拍拖嘅嘢隨緣。」至於有指柯震東飲大之後同超蓮親密勾手，咁究竟發生咩事？佢就解釋:「因為去台灣玩，一大班人唱K飲嘢，可能飲咗啲嘢，行入去時候佢gentleman風度扶一扶我，搭一搭我，普通朋友又唔係好過份親密，正常社交，大家唔好諗咁多。」