魚香茄子煲，出街食飯必點之選，貪佢夠香口夠濃味，送飯一流。不過茄子好味之餘，原來營養價值亦高，仲可以紓緩壓力？
茄子營養豐富，豐含富花青素、維他命B1、維他命B3、鈣質、膳食纖維等，100克茄子的熱量只有23卡路里，膳食纖維高達2克，而100克的西芹只有膳食纖維1.3克。另外，維他命B1，是補腦營養素，可以保持神經系統的安定性。維他命B3可以幫助改善腦部血液循環，減輕因壓力而致的頭痛問題。鈣質可以令你在睡眠時得到放鬆。所以如果當日心情唔好，壓力爆標，就大大聲向侍應叫一聲「魚香茄子煲！」
記者：李聰
資料來源：top1health