以顧問身份參加里約熱內盧奧運嘅35歲澳洲著名泳手赫傑原來都幾變態。話說佢日前搭飛機時，不滿前面個男乘客拉低張凳而同對方爭執，先口角繼而動武，不過佢啲招數都相當特別，就係用手指扭對方嘅乳頭。嗰個男人同澳洲報紙《先驅太陽報》咁講：「佢揸完我個胸之後再扭我嘅乳頭，而且仲好大力㖭。」赫傑事後都知衰，即刻出嚟道歉。